繁體
Gymnastics For All Festival 2016
2016 May 30
We are honored to be awarded the Gold, Silver and Bronze in the Best Creativity Awards as well as 4 Merit Awards in yesterday’s HK Gymnastics for All Festival 2106. Congratulations to Kidnetic Synergym, our coaching team and friends, in being awarded the Judges Accredited Award in Open Division! 164 participants from Kidnetic shared our favorite gymnastics to everyone in the festival and had so much FUN! See you all again in GFA 2017! ^^
2016 March 31
We are delighted to announce that 7 teams from Kidnetic are participating the “Gymnastics For All Festival 2016” on 29th May, 2016 (Sun) at 2:00 p.m. in Queen Elizabeth Stadium, Wanchai. Team members include Coaches, Parents, our little Kids as young as aged 2 and their marvelous Grandparents! Please come and support our teams:
- Kidnetic Kidsgym
- Kidnetic Monsters
- Kidnetic Synergym
- Kidnetic 老幼記組 (3-generation)
- Kidnetic 親子組 (Parent & Child)
- Kidnetic Golden Angeles Cheerleading Kids Team
- Kidnetic Golden Angeles Cheerleading Junior Team
今年的29/5/2016普及體操節增添了我們這隊「老幼記」組，仔仔、婆婆及我今年破天荒地同台演出。
想當年我第一次和仔仔參加親子組，第一次踏上伊館的體操墊時，那份興奮、那份激動…… 耀眼的伊館射嬁，打在身上有如沐浴在雨中的痛快，掌聲和喝采聲實在令人戀棧。
今年我把仔仔的婆婆帶到這張似新仍舊的體操墊上，把她帶到仔仔的世界裡ㄧ同參與、ㄧ同感受，希望三代人能共創ㄧ個難忘的回憶，為誰也好。當若干年後再細味這段回憶時，片段中仍然有你、我和他，那管人已老、記憶已衰退，片段卻永不磨滅!
因為跟婆婆不同住，說實話，自仔仔上小學之後要三代人同枱吃一頓飯已不是平常事了，且要風雨不改地每星期天聚首排練真的吃力，平日已經由朝到晚為仔仔東趕西趕的我想着這三個月的練習時間表，起初都有點卻步。
只是，難得的機會，也管不得當時人的意見，我毅然報名就是免得將來會後悔，更何況老人家的身體和能力並不是我們能夠計劃和預算的。
婆婆起初接到我的“指令”去參加「老幼記」，她從戰戰兢兢地上課到投入練習，由愁着臉到掛着笑容於課堂上，一切都是由這孫兒出發。
每次上課前，婆婆總是比約定時間早十分鐘在港鐵站等她的孫兒，然後兩婆孫手牽手地步行十五分鐘路程去上課，我亦只是尾隨她們的背影。原來，每星期的約會轉眼就過了。
起初婆婆對表演中的一些動作是有點顧慮自己應付不來的，直到最後ㄧ堂的排練，我們成功完成了所有指定動作，看到她自信、喜悅的神情……. 足夠了。
演出日，經驗倘淺的婆婆，上午綵排過後就已經被莫名的緊張情緒籠罩著，身體冰冷、手腳抖震的毛病又發作了。不知情的我估到ㄧ二，在午餐時間，只怕她連午餐也吃不下，便不停地勸她吃多點。之後的下午各有各忙也照顧不了太多，沒想到她竟然等到大滙演及大合照之後才發聲…“我成日未停過緊張，演出後先無咁震，好在我地都做得幾好。“
在年復年的普及中，Kidnetic的字典裡真的沒有ㄧ個“不”字! 又一經典“老幼記“的誕生絕對值得給予無限的掌聲……thank you!
又一年普及，忙忙碌碌歡歡喜喜地結束。
曉忻劭弘大愛親子組，招募時問 “邊個要表演？”，兩個一齊舉手叫 “我！”，再問“參加邊組？”，兩個搶住答“親子組！”，我哋四個喺度嘻嘻哈哈嘅同時，我卻記掛老幼記組。
爸爸一口答應參加親子組，問佢“老幼記組呢？”，佢停咗一下“嫲嫲玩我咪玩囉！”，結果，嫲嫲，爸爸同劭弘參加老幼記組。儘管爸爸經常抱怨要同時照顧一老一幼好辛苦，但佢總係笑住落堂，課後下午茶盡情同老友記吹水(多謝大家幫忙分擔下)，大家分享嘅相佢都係笑容滿面，仲有老死們嘅情報。。。。無論佢點投訴點埋怨(大男人！)，都不知不覺咁表露咗佢係好享受今次普及，畢竟，爸爸都係愛媽媽，愛孩子！
劭弘要參加親子組，我請佢同嫲嫲參加老幼記組，較樂天嘅佢縐縐眉扁扁咀之後笑笑口咁話“好啦！”。劭弘自從滿三歲開始就盡顯從爸爸遺傳得嚟嘅挑皮，鬼馬，貪玩同辯駁，經常令我哭笑不得(激死都唔少！)。親子組練習完，劭弘見到我都會從門口邊大叫 “媽咪！” 邊跑過嚟攬住我，冧爆！爸爸經常投訴劭弘練習時走嚟走去，可能我經驗豐富啦，無擺喺心，亦只係提醒吓劭弘要同爸爸嫲嫲合作就算，畢竟喺我心目中呢個活動應該要去 enjoy 嘛。表演呢，睇住細細粒嘅劭弘喺場上得得戚戚咁走嚟走去做動作，嫲嫲依起棚牙咁望住佢追住佢，好明顯，交俾劭弘嘅任務，即係同嫲嫲開心咁玩，佢完成得非常好！
曉忻，今年對佢有啲歉疚，照顧嫲嫲同劭弘分咗心，另外 “佢大個女喇，有朋友喇” 呢個迷思都令我疏忽咗，對佢嘅照顧真係少。大匯演嘅時候始終唔見咗我好耐，老死們報料佢成日問我喺邊，佢雖然記掛住媽，但仍然無喊無扭訂，要多謝曉忻對我嘅愛，體諒同忍耐。其實好想坐定定睇佢 Monsters 嘅表演，佢第一次自己同小朋友表演嘛，最後只能邊行邊睇，過後再煲片同睇大家放出嚟嘅相，我真係唔知佢做得好唔好，但平時揸住隻杯飲飲吓嘢都會倒瀉嘅專注力低於零嘅小鬼，表演時卻表現出一臉真，全日都保持好心情，對我嚟講，非常好。
登登登櫈，嫲嫲出場呀！人生經驗多，憂慮自然多，要說服嫲嫲參加老幼記真係要多少少功夫，但好明顯，爸爸嘅貪玩係遺傳自嫲嫲嘅，嫲嫲最後都答應。嫲嫲第一次練習時個人拉得好緊，話自己肉酸，相都唔肯影，之後漸入佳景，預留星期日同我哋去食晏同練習再下午茶，要歸功於 Kidnetic 同隊友們，尤其老友記們，多謝大家對嫲嫲十分照顧，係大家令嫲嫲開開心心咁去享受同個仔同個孫嘅練習同表演。表演日，嫲嫲極其興奮，咁大個女第一次表演就喺伊館，仲有粉絲捧場，威水啊！全日見嫲嫲笑容滿面，晚飯時繼續興奮，頭號粉絲姑媽知道要下年先再有機會玩，好失望，係咁問我 “吓？無嗱？佢會好悶㗎喎！”。的確係嘅，嫲嫲喺普及過後嘅星期日係有啲悶同失落嘅，請嫲嫲耐心等一下，好快又招募2017普及㗎喇！
我呢，一定要提 6 圍枱結果係 79 人一齊食 lunch！第一次安排咁大棚人嘅 lunch，好似帶旅行團咁，經驗尚淺嘅我實在搞到一團糟，多得 Kidnetic 家長們嘅團結同體諒，多多幫忙及包容，呢個 lunch 好熱鬧，好開心，好難忘！
普及多角度體驗，豐富精彩，開心滿足！
曉忻劭弘媽咪
戩戩同我已經係第二年組隊參加普及體操節。
舊年果個扭計精BB已經唔見咗啦，但今年帶嚟嘅係一個整古做怪，一言九「頂」嘅奀皮鬼 。
戩戩好鍾意返去Kidnetic social，佢每次都會出佢啲 冧功去冧啲接送返學放學嘅auntie們同教練們，更鍾意係行入去上堂果陣扮喊 （真係扮架，一分鐘後變面正常番。呢招已經呃唔到Edwin哥哥 ）
同哥哥恰好相反，呢隻偷雞揸流灘嘅仔每次叫佢做嘢，佢都總有佢理直氣壯嘅理由去拒絕你。我已經唔會再同佢糾纏，「細路，just follow please。 」
唯獨返親子組練習時，呢隻奀皮豬就最義不容辭。每次都會攬住我大髀四萬咁口同我講「媽媽，我同你一組嘅。」睇得出佢對親子組練習嘅期待，好安慰佢同我一樣享受每星期一次嘅親子時光。可惜，每次嘅練習又係一個失控亂竄嘅場面（ 滴汗苦笑……）。
呢啲少少嘅挫折打唔低我嘅，我會繼續同戩戩參加親子組。目標係有一年戩戩抱起我嘅一幕，叫大家拍爛手掌！
後記：我同戩戩表演時，擅自將我哋兩架飛機合體變咗「母子機 」。（因為戩戩好鍾意我抱佢飛，所以自私地變咗少少動作。希望Tiffany老師唔好嬲嬲 ）
今年嘅普及體操節又係一片歡笑聲中落幕。睇住晞晞由Kidnetic Kidsgym嘅泡泡浴BB到今年有幸做到Kidnetic Monster嘅埃及人，時間過得真係好快。
仲記得晞晞兩歲時，我覺得佢太多人錫佢保護佢，我決定要畀啲磨練。（最好有咁艱鉅得咁艱鉅，身邊嘅人只可以鼓勵而唔能夠落手代勞）Kidnetic係一個令人小朋友不停長大，又令爸媽安心嘅地方。每次見到晞晞企喺門前期待嘅上堂嘅樣，落堂之後愉快嘅笑容，仲有堅持每晚走上我張床去做體操動作，我同晞爸都深深明白到呢個仔愛上Kidnetic，愛上體操。我哋星期六果4個鐘無白等。（嘻嘻⋯⋯）
「知仔莫若母」，我了解晞晞唔係天資聰穎嘅一類，但一定係努力不懈的功能組別。佢跌倒痛唔會話畀我哋聽，但佢成功做到嘅每個動作都一定表演畀我哋睇。練習體操令晞晞明白到無動作係一學即會，但不停練習一定會有進步，一點一點增加佢自信，一滴一滴建立好基礎。
每次見到晞晞認真做動作嘅表情，我都覺得佢好man。尋日Monster表現完，我遙遠（其實都係上一層啫）畀咗個讚晞晞，佢啖定咁回返我一個點頭同微笑，果刻我知道我個晞晞已經踏入另一階段。爹哋媽咪永遠都會支持你，你令我哋驕傲。
後記：我呢個憂慮症媽媽成日都擔心晞晞無朋友，尋日見到佢跟咗Monster去參加大滙演時，我又再一次放下心頭另一大石。
近日，我常常想起我童年時跟媽媽的時光。
我們的上一代，既勤勞且克苦又節儉。
我十分佩服媽媽，她一人工作，卻養活二三十人，每年只休息兩天，回鄉的話也只多休息數天，自己休息的時間也沒有，莫說掙時間親子。
媽媽是賣菜的小販，童年時我常常待在她的攤檔，沒玩具，無聊便拿一兩條爛菜來切，什麼也不懂卻在幫忙叫賣，有人叫“走鬼呀”便一起快速執拾東西逃走，看著捉無牌小販的人離開了又重新擺賣，媽媽到菜巿場我也跟著，媽媽一邊推著載有幾百斤瓜菜的木頭車在車道邊行走，一邊緊張地照顧著我的安全。回鄉時在車站候車，擔挑在我頭上猛轉，媽媽死命地抱著我的頭免被擔挑打中，半夜在擠迫的麵包車中倒在媽媽懷中睡。上一代的媽媽也是這樣吧。
今年親子組的題材很特別，除了一如既往的讓我享受與兒女的親子時間，讓我思考與兒女的關係，更讓我回味我跟媽媽的相處時光，若媽媽看到這個表演，我想她也會和我一樣。
媽媽，我愛妳！
我從沒想過年時已高的我還能參與體操表演。當秀雯（晞晞媽咪）邀請我參與時，起初有點擔心自己做得不好會影響整隊的演出。在練習時認識了很多老友記，也學到一些演出的技巧。三代一起參與是一件難能可貴的事情，令我們的感情更加加深。整個活動令我好像青春了十年，每次練習也十分開心，如果再有機會的話，我一定會再參加。
我也很佩服每位教練能設計出這麼多優雅的體操動作，你們要努力。